福伯-Raiders of the Lost Ark

放工即刻騎羊番工企,趕睇明珠台九點半既奪寶奇兵.泊好個位,落埋布冚,入到客廳開電視,啱啱好開始~~~

雖然係舊片,但其實我係未睇過,可能係太細個時,睇過都唔記得,更何況有無睇過或完整完都成問題.....當年既福佬又真係幾有男子氣慨,造型夠晒硬朗!

故事簡單,要同納粹黨委任既考古學家爭奪沙漠下古墓裡,傳說中擁有超自然力量,內藏十誡石塊既約櫃.無咩冷場,特技動作場面當然無而家既咁靚啦,尤其係睇過盜墓者羅拉.不過以當年黎講已經係好緊張同刺激,片房大賣.

貴為電影中既經典,連係Wii既RAVING RABBITS都有奪寶後,被大頭球追既遊戲玩~~

ps:下星期六可以睇埋第二集,好好咁為黎緊上映既水晶骷髏國.