秋季打邊爐

今晚約台灣女生係沙田上完堂,番入屯門一齊食晚飯,由於成十點二番到市中心,所以去稻香打邊爐.本身一個湯底都要$48,但阿姐話一斤中蝦連湯底$100,我地當然欣然接受啦(賣剩貨都好丫).

唔知係咪經濟唔好影響市度,今晚無好似平時十點都仲有人等入座,而且餐牌上既火煱配料無之前咁多選擇.不過我地都係叫到一枱都係嘢食.睇番隔離枱,人地兩個人都無我地叫咁多嘢食.

今次可能人少兼夜,阿姐無收起豉油既配料,我見有沙嗲醬,於是用個碗仔留起佢,久唔久就"畢"番啲沙嗲醬落個湯底,確保唔會因為加水而溝淡啲味.