台灣女生牛一

今日係台灣女生牛一,雖然無準備生日禮物,但都有出街食飯.我帶人家去黃金海岸沙灘附近既餐廳食飯,由於時間尚早(六點都未夠),於是先食住大大隻既美國生蠔做頭盤.

開埋支白酒,沙灘海景,燭光晚餐正式開始~當然唔少得一張合照啦~~叫咗個二人餐,但係有啲嘢唔啱我地食(例如煙三文魚沙律,同鵝肝),厨房都肯幫我地轉凱撒沙律.明哥就幫我地諗咗用龍蝦焗薯細盤黎代替鵝肝.

由於頭盤一打生蠔實在太肥美,搞到我地之後既菜都食得較慢,而侍應生亦同厨房夾番慢上菜時間.

主菜既紅酒汁牛扒好好食,大蝦帶子長意粉都唔錯. 大家都飽到捧住個肚,最後我地問侍應生可唔可以將甜品既芝士蛋糕轉做雪糕(無咁滯嘛),侍應生話都應該要轉,睇我地都係食唔落份芝士蛋糕.......

臨尾我地仲同明哥影咗張合照,多謝今晚咁周到既招待,人家話好客既明哥一啲都唔似我之前所形容能操流利"熱血"對白既男子.

作為浪漫生日飯局既完結,我帶人家落去沙灘邊行邊傾,希望人家歡喜呢餐一號風球既生日晚餐啦~~