換油劵@倫敦酒樓舊址

晏晝搭巴士出去旺角栢裕,一心換油劵,點知係樓下攞換領信睇至知地址轉咗係mk1超級數碼廣場.呢度以前係倫敦酒樓,細個時成日都會跟老媽黎同阿婆阿公飲茶.早幾年,另一間細個成日去既酒樓"敦煌"都全線結業.

好在唔係太多人,半個鐘唔夠就換到,但張油劵唔同以前係一張紙,而係變咗一張硬膠咭.

之後行咗去兆萬信和兜吓,結果買咗呢個"懶熊"既環保袋俾台灣女生,可以氹人家開開心心咁買餸煮俾我食都好丫~~人家見到個袋都好鍾意,立即成為人家既專用環保袋.