朝早騎羊出觀瑭原廠check車,撞正星期六,屯門唔塞車,公路唔多車,市區又唔塞車,結果就早到成廿分鐘(09:40),人地門都未開......(其實係屯門公路見大風,所以無上汀九橋,只係經荃灣兜葵芳上程翔道,但都係比平時快)
係門口邊看羊,邊等開門,點知開門後又要等職員將店內既車推出黎,至可以有路入去,結果前後等咗半個鐘......
交低愛羊,就搭巴士番入屯門,再轉輕鐵番屋企.食完台灣女生準備既午餐,一齊睇keroro電影3,中途就收到車行電話,話搞好愛羊,皮帶只係用咗一半長度,極力子parts都唔洗換住,只係換咗電池.
騎羊回程時感覺好好,換完機油,油隔,成架車順咗好多.可能加上無咁大風,騎羊時比朝早個程輕鬆,所以就算有少少霧,都經公路行長青隧道,行汀九橋入番屯門公路.不過係臨到汀九橋時俾係中線同我平排既工程車玩,當我俾油係快線cut入線時俾佢"咇"同俾油推前黎嚇我,太過份了.
係卓爾居還埋碟,夜晚約人家係市中心食元氣,跟住係惠康見到相熟啤酒christmas gift
set特價近半價,於是掃咗五盒共廿支.辛苦愛羊載住沉重既啤酒,兼帶埋我同人家番屋企~
