番完早更,騎羊去玉林苑食晏,順道去相熟玩具商場同藥房睇吓有無平嘢執.
雖自中五起已經搬離置樂,但一直不時番黎行吓,可能係呢度有我好多既回憶,中學既轉變,生活既鎖事,成長既趣事,當時係屋企最穩定兼健全既時期.
第一次去玉林苑,係有一排老媽子煮既晚飯好不濟(其實佢厨藝好好,只係個排較懶),老豆帶我同大佬去玉林苑食碗燒味粉麵打底(應該係老豆放工番到屋企湊我地落樓).
以前我既餐飲係汽水,但見老豆飲熱奶茶飲得咁"芝味",於是呷咗一口,覺得好似怪怪地,有啲澀口,但又唔係難飲.經過好幾次試飲老豆既奶茶,卒之都可以自己叫一杯熱奶茶飲~
放工騎羊黎食晏,除咗係抵食,可以行玩具店game鋪同藥房,好大可能都係想重拾番細個同老豆一齊食嘢既感覺.
