今日番早更,係一點左右偷時間入pantry叮咗個波仔飯食(係屋企帶番工),因為放工要趕時間出觀塘整車.話說星期五起見愛羊行車時,速度錶同里數計唔郁,打去原廠問話可能係個錶芯壞咗,所以預咗今日check車.
放工騎羊全程零速前進,以路上既巴士速度及運作正當既轉數錶作參考指數.無驚無險,安全抵逹車行,只係比平時用多5分鐘時間,落車時發現一盞頭燈燒咗.......交低部車去行APM,一個鐘左右就話有得攞車.
其實師傅話我十月至換完機油,今次唔太肯同我換,但我話要湊仔,好難得偷到時間出黎整車,師傅至笑住話"咁又係~"速度錶,里數錶回復正常,回程就更加安心,前後brake比之前敏感,相信師傅應該幫我校緊咗wire.
愛羊總算係過年前完成維修,搵日抺埋車打腊就最好嘞~~
