踏入新一年,同台灣女生及幸男一齊睇完電視既倒數煙火後,就一家人影張合照,之後就開支新年奶俾少主享用~點知少主既回禮係新年第一"金",唔知係咪祝願我哋搵到第一桶金呢?
朝早台灣女生要番早番夜,我就全職做湊仔公,期間同幸男影吓相,試吓部相機.一月既大假原本係想減輕吓外母同我哋餵夜奶既辛勞幸,點知前一個多禮拜幸男自己戒咗夜奶.夜晚都叫做有番六個鐘抖吓,偷番一個鐘黎睇錄落既電視劇集都好丫.
滿有母愛既台灣女生為幸男添置咗一個high chair玩具掛飾,但我覺得小朋友都係三分鐘熱度,開頭都會望多兩眼,之後就會莫視佢既存在.等人家聽朝夜班放工,我哋兩星期既湊仔大假就正式開始(主題:hea湊b,養生)~
