特意叫外母黎屋企幫手湊幸男,我同台灣女生就出去新墟凱都睇兩點四個場"機密邂逅".
靚人靚景,計中計,兼幽默愛情故事,主線簡單,但無諗過女主角係卧底,跟疑犯條線,跟到因愛變節,後來因為水魚男主角而動搖.最後水魚男主角勇救被疑犯仇家恊持既女主角,正當情路轉軚時,水魚男主角揭露其真正身份為整容後既疑犯,真係happy ending既"新歡舊愛共治一爐"~
散場係茶餐廳食過下午茶行去大興花園既吉之島10蚊店(地方好大)逛咗個零鐘,買咗二百幾蚊嘢,搭番小巴去市中心.
係意粉屋食芝士火煱做晚飯,join埋做會員,即享芝士火煱減$50優惠,兼且埋單九折~
火煱料一碟,青口,煙三文魚,蘑菇,南瓜,鮑螺片,青瓜,車厘茄.食到尾段覺得唔太夠飽,於是散叫燒西冷牛肉條,及炒翡翠螺.職員見我哋煲芝士剩番一半,於是都主動幫我哋催廚房,結果我哋好趕咁食埋,差唔多一滴芝士都無剩咁滯,由起爐計半個鐘就清枱....
