今晚老豆無飯開,於是過黎屋企一齊食住家飯兼探幸男,可能幸男開始認得爺爺,無之前咁扭計.
今晚海鮮類係蒸花甲,因為百佳賣游水魚要$45條,少見既花甲反而$28斤.
肉類就係蒜香牛柳粒,香口嘛~
仲有鮮魷炒白菜,辛苦台灣女生主理晚飯~
三爺孫一齊影合照,幸男坐係專用櫈,係爺爺隔離同我哋一齊食飯.
食完飯,老豆同男一齊坐係梳化睇"魔術擂台",幸男好集中精神咁睇,好入神.當魔術師表現完畢,幸男就會叫出黎(噢,嗚....),點知老豆好搞鬼咁同幸男講,"咁緊張?俾個A佢咪得囉"
每次老豆黎探幸男,都開開心心,我同人家都覺得安慰~
PS:體貼既人家,為咗我同老豆可以邊坐邊睇電視邊傾計,兼顧埋洗碗碟,有勞了~
