尋晚臨去屯宿聚會前,搵咗阿禮係市中心陪我買3DS機同ACE COMBAT($1500+$460+$50),其實都因為呢隻GAME至會決意出機.由PS年代3,4,5集我都有打爆,第5集更煲到全S級過關!3DS版少咗啲制用(左右水平微移,上下左右回頭),好唔慣,打起上黎都無咁有FEEL,於是今日傍晚去番間GAME店買埋個SLIDE PAD黎打,可惜哥仔無平比我,一口價$150交收,希望可以打番S級出黎啦~
同台灣女生係吉之島買多少少嘢,騎羊番屋企食鴻星盆菜(多得外母代收速遞),咁啱老豆話屋企無飯開,於是上埋黎一齊食,當一齊做節.面個浸料有相為證,下面就有雞,鴨,豬皮,但無食開既魚旦同蘿蔔,反而有年藕及豬腳.....七百幾蚊,預六個人享用,我哋四個人都食唔晒,有剩既都俾外母入起帶番屋企.
