今晚老豆無飯開,我叫佢放工上黎搭食,順便可以探孫仔,爺爺當然開心.行出輕鐵站等老豆攞出埋架摺車出站,就一齊踩單車入村,經過花炮會買埋兩罐冰凍健力仕黑啤番屋企(今日無買定,焗住俾人賺....).
蒸排骨,炒豆苗,煎餃子雞翼,簡簡單單,老豆話好食,排骨無柴皮,雞翼好似炸過咁.人家聽到當然開心,啱啱結婚搬出黎個陣,叫老豆上黎食飯,老豆每次都婉拒,可能係拍拖個陣老豆見過人家煮俾我食既麵同餸.唔係讚自己老婆,人家廚藝真係有進步,雖然唔係咩星級大廚,但足已令我期望及放心係屋企食.以前細個唔明老媽煮既飯好似無咩花款咁,而家先知放工仲要煮飯,都真係好攰,有菜有肉有飯已好好了.
幸男開始自己攞奶樽黎食臨訓個餐奶,不過朝早個輪就訓到烏吓烏吓咁等你餵到埋口.幸男既笑聲同成長進步,絶對係我同人家既生活情趣之元素.
