今日係節拍租藍光碟既"俠盜羅賓漢",唔見到都唔記起當初都想係戲院睇,而家有得睇番當然係求之不得.仲以為係睇男主角點樣刧富濟貧,原來係好似前傳故事.
男主角為一個隨十字軍前往法國既箭手雇傭兵,為護送戰死沙場既英國國王之皇冠返國而冒充殉職既皇家騎士.其後繼任既大英國王(前國王之弟弟)暴政專橫,重稅令人民生活苦不堪言,正當法國國王乘機揮軍越海洋攻打英國之際,男主角說服各地侯爵團結助國王保衞國土.可惜事後國王違反當初對各侯爵之承諾-民主憲法,更以冒充皇家騎士之罪名通緝男主角,令羅賓從此隱居森林,暗中反抗腐敗皇室.
最後海岸線英法兩軍大戰時,英軍從崖上萬箭迎戰法國海軍一幕,我同台灣女生都清楚感受到5.1既聲效(當初買PHILIPS SOUNDBAR係無買錯的),前後左右都有箭聲,自己好似中咗幾箭咁~如果有人問我有無相熟電影可以試5.1聲效,我會推介ROBIN HOOD.
