今日同台灣女生睇租番黎既"IN TIME",故事講未來世界人類經基因改造,由BB長大至25歲就會停企生長及老化,但手上會顯示剩下既一年生命時間倒數.為咗續命,大家都會打工賺取時間,因為交租,買嘢,搭車都係扣自己既時間.出身貧民區既男主角,因生活迫人而去母親,但於酒吧偶遇一位有錢人(時間).該富戶被男主角相救後,以自己一百年既間作報答,自己卻望著手上既倒數而迎接死亡命(心臟停頓).男主角以得來既一百年時間,去富豪區打破富豪搾取貧民區市民時間之不公平局面.
厭世既富豪對男主角一番說話確實發人深省,"即使你尚有過百年既精力,但心力已耗剩多少?"親友既離去,不如意既事,確實令一個人既心老化.未夠三十歲,我經歷我人生第一次我重視既朋友之喪禮,很大打擊...舊年阿公病逝,我失去第一個重視既親人.面對生活及工作環境上既不公或黑暗,都令人喘不過氣來.事事順境兼有權貴既人當然唔會有咁深切既體會.往往憑良心去做事及生活的人,都係被剝削及欺壓的...我自己既心力還剩下多少呢?
