今日興之所致,折開之前買落既射手座聖衣神話EX黎玩,驚見頭罩係純銀色而非淺金色!點解會由黃金聖衣降格為白銀聖衣??
開埋攞咗無幾耐既處女座黎睇,嘩~頭盔頂一點點甩油,情況猶如生辣哩.....
EX聖衣神話俾我既感覺係精細,多配件同可動性高,但敗筆之處就係QC較上一代差.雖然上一代都有甩油,破相或電鍍起氣泡既問題,但起碼無咁大規模既缺失.第二彈既獅子座面罩都有少少'甩油,但見唔太礙眼就算......最近既處女座雙手結手印既部件都有問題,共有十一隻手指.細看之下,原來係多咁舊膠(未被批去既位)兼上埋肉色油所致,結果用牙籤隊走舊膠至回復十隻手指....
實物有問題都算,BANDAI連包裝同網上公布圖都出事.第一彈既雙子座,星座型態竟然無砌上腹部既裝甲,支架外露.....真係傷透一眾FANS既心!好在我買既係行貨,打電話去相熟玩具店哭訴,老闆娘話可以有問題既配件同代理返影兼更換.如果買水貨或求其一間唔相熟既玩具店買,就喊都無用.....
