上年九月買既TEMPUR太空枕訓咗半年唔夠就訓冚咗,拎咗出去葵涌代理office跟進(3年保養),話要十四個工作天至有回覆有無得換個新.唯有用士啤棉蕊枕頭訓頂住先,但訓極都係唔舒服.幸男晚晚訓覺都會成頭汗,好似游完水咁,個枕頭一陣臭味,所以今日番完晏晝更,同台灣女生騎羊去吉之島揀幸男既枕頭,見sinomax有特價,自己都揀埋一份.
原價$1029,特價$329,認唔住問阿姐係咪真係賣一千蚊架,阿姐答話第二度係賣5百幾既.....(咁咪即係原價$5XX,現減至$329??)人家揀咗個COOL B PILLOW俾幸男,有層啫哩材料於面層黎散熱,而我試訓過蘆薈美肌枕都OK,於是一併結帳.
番屋企沖完涼就再試新買既士啤枕頭,真係好過棉芯好多,頸椎位承托得舒服.買個棉芯枕頭都要兩舊水,而家多百零蚊就有個記憶枕,真係好抵.之前買咁貴既品牌,雖然係短身啲及3D設定,但呢款平成咁都有不俗既評價,性價比高.如果我個正室枕頭換完無耐都係扁晒的話,我以後會轉用SINOMAX.
PS:揀枕頭時忍唔住SEND張相俾ANNA睇,等佢知道有平嘢執
