今日兩位大姑拉到寒舍BBQ,因為其中一位就快生日,當係預祝牛一BBQ.本來話會早啲入黎屯門幫手買嘢,但結果係放假既我同番早更既台灣女生係市中心食完晏,帶住幸男一齊買嘢,再行去置樂搵老媽帶路去街市買多少少肉類同雜貨店買炭,就搭的士番屋企,而兩位大姑拉六點至到達寒舍........
幸男當然有同準壽星大姑拉合照啦,不過幸男今日唔太合作,不時話要入番屋內,要用錄落既THOMAS至可以令幸男定定地係客廳.食物份量預計得唔錯,只係我同人家都好攰,無咩時間同胃口再食啫.
由於近七點至開始BBQ,幸男又無MUG點訓晏覺,所以去到後段已失控扭計喊.人家要先幫佢沖涼兼餵埋支奶,氹訓覺,再出席蛋糕時段.
生日蛋糕係兩位大姑拉係市中心揀選既,結果同上次一樣都係食唔晒,由小歌仔拎走番屋企.
祝準壽星大姑拉,生日快樂,身體健康,童顏常駐!黎緊下次聚會,應該係4月1 日我哋一家睇完THOMAS舞台劇後既晚飯~
