今日IVAN黎家訪,幸男一訓醒就有位大哥哥陪佢玩,當然開心.IVAN怕阻住我同台灣女生照顧幸男兼準備番學,但其實相反,有佢係度MARK住幸男,我哋仲多咗時間自己梳洗同執嘢.
除咗玩THOMAS火車,幸男仲同IVAN一齊玩巴斯光年,一按巴斯手上既鐳射槍,就要IVAN扮中槍受傷....
IVAN都有係幸男細個時家訪,唔知幸男記唔記得?起碼而家佢地都玩得埋丫,出門口一齊搭一個站輕鐵去嘉爵飲茶.IVAN都話一如我所講,酒樓啲員工做事風好似我哋既工作坊,個個都忙住見嘢就做,氣氛搞笑蝦碌~飲完茶,IVAN就係巴士站等車出市區,我同人家又好趕咁上的士送番學.
湊住幸男,每天都係好趕時間咁,凡事都係"BB先決"模式.番晏晝更就趕督促午餐,梳洗,換校服,搭車番學,自己再趕番工+/-快食午飯..番早既就趕食飯,再去接放學,搭車番屋企,幫幸男沖涼,氹訓小睡,再準備晚餐,自己求其食都要顧咗個細既先.最辛苦既當然係人家,因為要負責幸男既膳食-買料+洗切+開爐煮,我就只係翻熱同督促進餐.
