近來想買個斯文背囊黎裝相機以方便同台灣女生及幸男出街影相,因為用緊既單膊出街袋唔可以裝太多嘢(外套,糧水,銀包,電話....),而且太重亦都唔方便.雖然有個LAFUMA背囊,但較鮮色及SPORTY,未能襯斯文裝束(去飲宴場合).
今晚卒之都約人家係市中心LOG ON幫眼買呢個幾日前已睇中既三用袋.背囊模式格數夠多,而且大細啱啱好,襯西裝都得.簡單將兩個扣解開,背囊模式就可以變作手挽模式.我個人就真係唔太慣側孭太重既袋.
比起之前係FRED PERRY同PORTER INTERNATIONAL既背囊款平,只需八百幾蚊就有交易.雖然市面上有相機專用既背囊,但款式始終都係麻麻.將裝住相機既POUCH袋收納係呢個多格數既背囊,就啱晒我既要求.
