維園年宵

 

今日一家三口遠赴維園行年宵,計落好以無年都行唔到地方,前年行元朗,舊年行屯門.

一入到去就知人山人海,幸男一眼就搵到今年既心儀氣球,米奇老鼠坐住紅色跑車.

雖然幸男嚷住要買,但我都堅持要行埋個圈睇吓有無其他款至買.幸男心意好堅決,見到有鬆弛熊同THOMAS火車既公仔都無動於衷.

行到中段巳迫人到行唔到咁滯,台灣女生要抱住幸男黎迫,得個"攰"字.

幸男都迫都無晒心機,結果我哋係行咗一半就折番,回程時係其中一個檔位以$68買咗呢款氣球俾幸男.

臨走時幸男至開始笑番,話個氣球好靚.搭車番屯門前去埋SOGO行吓,一家都無收獲,只係幸男係玩具部玩咗一陣.不過帶住個氣球行街搭車真係幾唔方便,好在巴士上有位坐,唔係都唔知點可以邊攬住個氣球邊握住扶手.....

PS:晏晝出去千両食晏時,幸男呢張相可以攞去相睇或者係招聘童養媳~