大年初二

舊年新年捉幸男著住唐裝坐係水仙花隔離,錄咗段賀年短片,今年亦都唔例外.幸男無舊年咁主動講賀年對白,SET晒腳架同擺好位都唔肯埋位,好似大明星擺款咁(我忍唔住話成CREW人等緊佢埋位).結果要用幸男既同窗小情人作利誘,幸男至肯乖乖埋位,TAKE 2就可以收工,仲可以影埋張合照.

年初二無咩特別節目,只係晏晝帶幸男出村口公園玩.泡泡槍吸引住在場既小朋友,各人都爭住要玩泡泡槍.為免爭執,我當然無俾佢哋攞黎玩,只係叫佢哋追泡泡玩好過不停手動按掣.不善爭位既幸男,好幾次因未能追拍大泡泡而唔開心.

幸男係公園度擒上擒落,SIR滑梯始終係幸男既至愛.

第一次用S mode黎幫幸男影相,效果比平時用A mode好,成功率較高.愈黎愈滿意A7既表現,期望可以為一家人影多啲照片留念.

PS:新一年希望大家身體健康,心想事成.