生活態度

今日騎羊入元朗,去相熟紅酒店揀選葡萄飲品,順便買把靚少少既紅酒開瓶器,可惜該店并無出售紅酒既週邊生產品.

走去隔離舖位既紅酒商店櫉窗,只係見到好似我屋企用開既贈品開瓶器款式.萬念俱灰之際,突然發現一款無論造工及設計都充滿時代感既開瓶器,於是入內查詢.兩舊水有找,見話係名牌兼有兩年保養,於是成交.

雖然買既紅酒唔係成千蚊既珍藏級別,但用別緻既器具去開酒,猶如將期待及好奇既心情注入自己挑選既紅酒之中.