老媽生日@季季紅華都分店

今晚老媽係屯門華都既季季紅同一枱親友一齊食生日飯,最開心既當然係老媽,難得三位阿姨都有黎賀姊妹生日.未人齊開席時,老豆話係新都睇中咗對CLARKS皮鞋,叫我幫吓眼,於是一齊去睇.心水綁帶款無佢SIZE,結果買咗對啡色既懶佬鞋.

壓軸仲有壽包同生日蛋糕,今次輪到直系合照.之前十五十六買二買閃燈好,睇番啲合照,前後近距兩排人物已經係極限....

嫲嫲最開心既當然係孫仔幸男陪伴,除咗一齊切蛋糕影相,仲一齊吹蠟燭.今晚幸男食飯表現尚可,話晒都係比平日遲開餐嘛.