原本係大佬健既生日飯,但因兩兄弟同期病咗,所以順延至今晚至係新斗記食番餐.
套餐有招牌燒乳豬,今次係老豆老媽第一次黎食,應該好食過季季紅卦?
老豆提議買支紅酒同大佬飲,我問職員開瓶費幾錢,意想不到係唔洗收開瓶費.快速落樓下吉之島超市買支飲過既紅酒,三仔爺分黎飲.餸菜都唔差,可惜例湯沽清,轉咗茜湖牛肉羮.散叫既鵝腸真係幾好食.
見幸男咁好笑容就知啱佢胃口,無諗過連鵝掌都會試食.
同幸男影合照真係撞手神,呢張已經算係唔錯,起碼無拎歪面,或都用手遮擋面容.
幸男走去伯伯身邊咬耳仔,唔知講咩呢?平時番屋企黐餐多,今晚舉家出街食,老媽可以抖吓,老豆慳番洗碗~
