幸男一直都話要買多個停車場黎擺玩具車,但我本人就唔想買.一黎爺爺嫲嫲已經買咗一個,兼且唔想多舊膠阻住個客廳.幸男三歲半生日在即,見婆婆買咗幾架CARS既玩具車,於是買咗呢款唔太大型既摩天輪停車場(賣點係摩天輪轉動可以係電動或手動).
新玩具啱幸男心意,都不枉我早三日係元朗相熟玩具店抽住上小巴拎番屋企.記得自己細個時都好鍾意停車場玩具,印像中屋企有過一個.
代幸男為停車場貼上貼紙後,幸男讚好靚,不過幸男唔太習慣操控摩天輪,我要從傍協助.兩父子一齊玩玩具,令我諗番以前老豆同我哋一齊玩路軌跑車,同打任天堂遊戲機既日子.
