鐵騎男

對上一次俾幸男帶住頭盔黎影相,已經係三年前既事,當時只係七個月大.頭盔款式唔同咗,住屋搬遷過,相機轉咗新型號,不變既係想留住幸男成長回憶既心.

影相時幸男身郁兼四圍望,好唔容易至揀到一兩張合心意啲既相出黎.希望幸男感受到父親大人對電單車既熱愛,及對幸男既重視.

唔知第時幸男夠歲數,會唔會坐我電單車後座番學呢?再大啲既時候,會否接收我無力駕御既電單車呢?