故事依舊係未來世界派來機械殺手,第一集殺人類反抗領袖John Connor個阿媽年輕時既Sarah Connor(1984),第二集殺青少年既人類反抗領袖(1955),第三集殺成年兼隱姓埋名既人類反抗領袖(2004),今集第四集就殺年青時代既Sarah Connor(第一集之開端,但時空設定不同),但唔知點解有個T-800係Sarah Connor九歲時出現並一直保護她.今集特別啲既,係要去埋未來打人工智能未正式獨立運作既組件(2017),以阻止人工智能反噬.
驚喜兼經典重現,年青版既阿諾造型之T-800以高清信號呈現,感動~原來佢係繼李炳憲飾演既T-1000之外,第二個反派殺手,不過好快就俾Sarah Connor同佢個守護兵T-800埋單.最唔滿意係John Conner都變埋奸角,被機械人注入納米機械,變成半人半機械超身生命體.另一新概念為T-800外層之活細胞組織有自我修復功能,但亦有衰老既缺點.
巳去到第四集(阿諾舒華辛力加有份演出黎計),雖然時間線及連接較亂(因第一第二集係同一個導演,第三及第四集都係唔同人執導),但一切都以人工智能控制軍事武器引發人類瀕臨滅絕(judgement day)為主線.
第一集2029年人工智能軍事系統"天網"不敵人類反抗軍,遂派T-800返回1984年刺殺Sarah Conner,人類反抗軍領袖John Conner派心腹Kyle前往1984年保護阿媽.好睇之處係當年無時空穿梭以改變未來既刺殺橋段,而且血肉之驅力戰高科技殺人機器.
第二集"天網"見第一集既T-800失敗,於是派更強既T-1000返回1995年,去殺害青少年既John Conner,但未來世界既John Conner亦將一個收服並經改寫程式既T-800去1995年阻止T-1000.同時間,Cyberdyne公司因得到第一集T-800剩餘並部份破壞既晶片及手臂,繼而朝人工智能方向發展"天網".呢集破格之處係兩個機械殺手,大打出手,以往血肉之驅未能出現既動作特技可以合理地大量出現.
第三集,人工智能軍事系統"天網"並没因為第二集1995年T-800及T-1000激戰後於煉鋼爐溶毁(第一集之T-800剩餘並部份破壞既晶片及手臂亦然)而永遠消失,只係推遲咗時間,因為人類一直對人工智能應用於軍事上既埋念趨之若鶩.呢集本人覺得最唔好睇,因為機械人亙毆己於第二集出現過,稍微先進既T-850對新型號T-X無咩特別叫座力,好似只係想交代下John Conner如何成為人類反抗軍領袖.
第四集除咗柔合第一集既原點,更添加比第一集更早有機械殺手刺殺Sarah Conner之劇情,繼而改變了時間線,令第三集既歷史被刪去,人工智能系統亦由純軍事用變成為2017年Genisys生活電子平台之人工智能系統發展成自我意識並入侵軍事系統.
PS:尋日騎羊去凱都睇吓有咩場,點知時間唔夾老豆,於是行番入雅都商場用手機上網check市中心UA有咩時段,點知發現今日有早場優惠.見空位唔多,於是一片心用手機網上買飛,第一次揀既位俾人搶買,要第二次至成功.好在無嘥時間騎羊去市中心UA排隊,因今日除咗頭幾行外,成個細院都坐滿人.
