今晚係尖沙咀lcx買咗個BELLROY銀包,因為舊既agnes b銀包已經殘舊.顏色係幸男幫我揀,我不停將呢個色同其他顏色比併,結果幸男都係話呢隻金屬藍最靚.
之前行lcx時已發現呢個品牌既存在,並被其慳位收納方法所吸引.跟據官網照片,呢款NOTE SLEEVE可以收納13張咭或證片,最欣賞係中間有個拉條,方便抽出不常用既6張咭片.呢隻色得番陳列果個,店員話有陳列品9折補償,故以$630結帳,超值真皮銀包~~~
新銀包入晒舊銀包既內容,都只係比舊既吉銀包脹少少.
相反,舊銀包飽滿時,比新款既吉銀包脹高好多,因為中間太多虛位.濶度同長度都比舊款銀包短少,放係隨身既衫袋或褲袋都好輕鬆~
PS:憑單據可享有3年保用
