聖誕表演+奧海成TOMICA聖誕樹

朝早起身去外母家接幸男,搭的士去市中心,再轉紅的去浸會,因為今日係幼稚園聖誕表演.其實將幸男送到班主任手上,我同台灣女生有大半個鐘時間係社企餐廳打發時間,先至排隊入場.

最後一年表演,幸男擔任其中隻羊,因為有一位同學覺得辛苦放棄羊角.

表演完畢,行番去又一城食過晏晝,就搭巴士去澳海城睇TOMICA聖誕樹.樹唔太特別,只係有螺旋形路軌圍住聖誕樹,加上數架TOMICA車作點綴,一兩個攤位遊戲,要去TOMICA商店購物滿指定金額至可以玩.....

"我好失望丫,嗚嗚....."走既時候,幸男突然哭成淚人,應該係相比上次九龍灣展覽中心既香港玩具節既TOMICA攤位(有3個攤位遊戲,每個都有"蟹貨"車仔作禮物),今次實在太沒趣.

眼訓加上精神打擊,急急帶幸男去ITALIAN TOMATO坐低,再買士多啤梨雪糕作安慰,人家豪爽地買咗個雙球杯俾幸男.

"我仲未忘記到呢件事....嗚嗚",食食吓都忍唔住再嗚咽,好耐都無見過幸男唔開心到喊,平時頂多係扭計喊.平日嚴厲既父親,亦被呢份童真所感化,抱住喊到訓著既幸男行去巴士站等車.....