收紅酒&孜孜家訪&做冬

番完夜班,訓住覺黎得收貨,兩點左右收到電話,估唔到司機識得行到去我門口.

騎羊出燊光攞下午茶外賣,與番完早更既台灣女生一齊食晏,接著就是孜孜一家既家訪.睇過THOMAS商品DVD後,大夥兒出去球場活動下,我就係花園開箱,並將抺過既紅酒放入電子酒櫃.

當我拎相機出去球場時,兩位小朋友已踼完波跑完步,唯有影靜態合照.

番入室內,幸男同孜孜玩多陣玩具,臨出門前一齊係聖誕樹下合照.母親們交流育兒心得,我就同向孜孜父親吐下工作苦水及分享內心定位.

夜晚一家三口番老家黐餐兼做冬,成枱都係餸,我當然有帶番支紅酒同老豆大佬一齊品嘗.

挨完夜班,食餐好既真係非常重要,至少叫"苦盡甘來"丫.

腳架+相機+閃燈=大合照,不過今晚既家庭合照就多咗老媽既朋友-青山翠.

幸男收到伯伯提早送既聖誕禮物,我就仲未諗到送咩俾幸男.今晚開既2003年好似比屈臣氏酒窖買既2006柔一點,唔知2006年是否PEAK呢?訂酒既公司無2006,只有2004,但當我試過2006覺得酒莊出品啱口味時,2004年已無存貨,唯有訂2003.

網上介紹Château Rauzan-Segla時,以Merlot作女人味的深意；而Petit Verdot的潑辣張揚,本人覺得幾合配.因為優雅順喉,香氣撲鼻過後,有一點辣味作餘韻.

參考連結-http://www.formosawine.com/index.php?option=com_content&view=article&id=268:chateau-rausan-segla&catid=111:bordeaux-second-growth&Itemid=188