綿羊仔點載棍?

花園既掃把棍係上次擊退入侵生物時損毀,雖然知道藍地雜貨店有得買,但一直諗唔到點用電單車運載,自己又唔想行落去買兼行番屋企.今日卒之的起心機,用另一支地刷棍度位,咦!呢個位得喎~於是去相熟茶餐廳食過晏後,就去買支新掃把棍.

驚中途飛脫,用膠袋綁住,原來冚實SEAT位時會啱啱好頂實.番屋企send俾家楠睇,原來咁啱佢見到我係廻旅處附近調頭~

仲記得2號果日一入屋時發現有啲嘢係落地玻璃附近,入屋後隔住玻璃見到係蛇仔!拎齊藍威寶,殺蟲水,電閘匙牌,一出去就用殺蟲水逼佢行出啲花園位,再以垃圾夾撥向近電閘位置,以未經稀釋既藍威寶淋佢,見蛇經電閘下方逃走時就開動電閘.雖然有傷及蛇體,但都俾佢走甩.無幾耐見佢再出現係電閘附近,於是用橙威寶淋多佢一次(怕藍威寶傷金屬),再以掃把棍將佢掃出閘外,再淋多次橙威寶,好似walking dead咁打要害,成功除害(緊張過打mon hun..).