沒有主題的假期天
幸男對波鞋開始唔啱著，所以今日係市中心食完晏送幸男上婆婆家時，特意望下個size號碼。
番屋企晾完一機衫就騎羊出去市中心,係泊羊位置附近既運動店睇童裝足球鞋,款式好似比較沉實.
買埋個Paul Lafayet既Strawberry Heart外賣俾幸男,就上外母家.幸男剛好沖完涼,一面睇住卡通,一面享用足球班後既茶點.
再騎羊出市中心,睇咗幾間連鎖式運動服裝店,都係adidas既呢款比較可取.
運動家就有另一個顏色,仲要平啲添,搵日叫台灣女生帶幸男黎望吓實物兼試size.
行到近七點，一個人係MOS Burger食單身漢餐。番屋企坐陣，再騎羊去接人家放工。
幸男於婆婆家過夜，兩公婆可以一齊睇之前錄落Viu TV既大人女子。
