幸男小一開學日

朝早六點鬆啲就起身,食過早餐就動手為幸男熨校服,以前阿媽幫我熨,而家就自己熨俾阿仔.

  

見幸男卒手指就知係眼訓,比幼稚園早成個幾鐘起身,真係要啲時間去適應.我地上果班614都幾迫人吓,始終中小學生都係呢個時段搭車.

輕鐵站落車經商場行天橋,重新融入以前熟識既社區.是次既小朋友角色不再係我,而係幸男.

怕正門多家長及學生,兩母子一齊係學校門口附近影合照.

首兩星期都係半晝適應期,放學時間為12:30.家長須於雨天操場等候,並要從同班學生中認出自已兒女.

我騎羊護送書包,人家同幸男徒步行去市中心,大家係築地拉麵集合兼食晏.幸男對新環境無話特別抗拒,我勉勵幸男"爸爸細個都搞得掂,你無理由唔得既~"(前設係爸爸讀書都唔係好叻.....)