是日家居湊仔

今日台灣女生番晏晝班,食過茶餐外賣午餐後(我騎羊去攞),開始督促幸男做功課,以及溫習英文默書,完成後就係幸男既卡通片時間.由於明日要番學,所以晚餐由我負責,好讓幸男多點時間休息.

原本人家吩咐落將包裝咖喱牛肉烏冬煮好兼扔埋啲菜落去煮就可以,但我覺炒菜會香口啲.8年無炒過菜,雖然色水唔錯,但幸男話好似無咩味(已爆蒜,兼落蒜鹽).....自己果份,只係翻叮既燒鰻魚配半嘜米既白飯,兼大半碟菜.

洗完碗同打點幸男沖涼,幸男於房中靜待媽媽放工哄睡.