十分鐘的晩餐

是晩番夜更，好趕之下去咗藍地大街既Three Concept食個快餐。

無諗過餐廳定位係少少fine dinng（價錢）,叫個burger都要20分鐘制作時間。

見到上菜呢一幕，即時覺得值得兼夠晒豐富,$78都係合理收費。

將預先切半既漢堡拎上手，見到蛋黄流出既厚煎蛋，四方芝士，半生熟既漢堡，新鮮厚切既蕃茄，墊底既沙律菜，太感動了（呢啲畫面只可以係電視廣告至會見到）！

好在叫咗杯凍啡,十分鐘快食兼乾哽都幾辛苦。埋單後急上綿羊，去置樂買蛇羹外賣就番夜班。