一人晚餐,二人價錢

本人好著重晚飯,覺得辛苦了一整天,應該好好的善待自己.當自人食晚飯的話,我盡量會買可以外賣的快餐或壽司,因為唔想於店內一個人食,阻住他人聚餐聯誼或卿卿我我之餘,又突顯自身既寂寥.今晚破例,獨個兒騎羊去紅橋既赤橋拉麵,因為好想食好一點.

無諗過要係商場小巷內排隊等位,邊以手機補打blog,好快就消磨了唔夠半個鐘既時間,可以入座.期間限定既辣肉味噌拉麵,味道依舊豐富-芝士粉伴隨既一箸拉麵,辣肉伴隨既另一箸,蔥花伴隨既一箸.結帳時職員示意$1XX,我有一下錯愕,回神後向店員詢問"我嗌咗一碗麵咋喎",原來店員計埋同我一齊搭枱既男仕個一碗.我同搭枱男零交流,唔同店員以為我地係鬧情緒既hehe?