不完美,但滿足

朝早落過雨,夜晚見天晴無雲,於是再一次拎相機兼腳架出花園.樹梢之間,係第15個嘗試,得到呢張肉眼睇唔到既月球照.

F22, ISO200, 1/15s, 240mm設定下,肉眼所見既詩意圓光鏡,變成寫實月海圖.22-240天涯鏡伸延到盡都未能令月面比例合意,唯有事後剪裁原相.

雖然無夜星襯托,但能夠親自拍下月海照,已經好雀躍.月面之坑洞及紋路,令人聯想各種外星文明陰謀論.