大假的星期六

朝早起身就同幸男玩埋呢局横2016~2017既大富翁，其實我得番藍色既石澳同淺水灣力抗地産霸權，偶爾要刻意留係監獄避世。見幸男匿埋一邊計數，就知道板圖已被統一。

經歷過抵押樓房物業逆之景低潮，險遭破産既幸男守得雲開見月明,再一次成為大富翁。

送幸男上大興食晏後,我同人家係PACIFIC COFFEE小休.星期六仲可以搵到個梳化位,都算好彩.

家中食外賣午餐時,飲咗杯燊光既凍奶茶,唔想再飲一大杯凍啡,於是叫咗杯double espresso.因為第一次嗌,所以問職員姐姐double係份量定係濃度,點知俾姐姐問我有無飲過(可能怕我嫌細杯).Double份量既espresso比正常既咖啡,確實係細杯一截,但濃厚既味道,較配合細味品嚐.

雖然落過雨，但上堂時地面已乾得七七八八。父母一齊觀課，唔知小朋友係咪會開心啲呢？

夜晚安在家中，享用人家主理既晚餐，都叫有肉有海鮮丫～

 

PS:Blog維修工程已大功告成，理應所有舊yahoo blog 搬去Xuite blog再抄去 Google blogger 既相都不再出現死link 。