佐酒良伴

早更過後,騎羊番屋企,再跟華B車入元朗買嘢,因為今晚係宿友BBQ.是日星期六,車位緊張,唯有華B落車買嘢,我就係乘客位看車.無食晏,只係飲咗支無糖份既金觀音,又熱又餓,有一刻攰到好似係沙漠咁 (後悔無聽幸男同台灣女生講，帶埋包芝士脆上車).......好在華B應我所求,買咗個腸仔包俾我充饑.

先係新田接阿禮上車,再係屋苑市中心接埋瀟灑,一齊去華B屋企~先係室內閒聊,兼參觀室內間格,太陽下山至出去戶外準備BBQ.

多重層架陣,大廚只需用夾將食材翻燒,就可以為賓客奉上美食.起初都有啲微風,後段就好似"毆"打風咁.大家邊食邊飲,有傾有講,回歸宿舍生活既感覺.難得係住家相聚,我帶咗支紅酒共享,貫切宿舍混合式品酒.

小朋友掛住玩，大合照都係唔齊人。希望下次可以約齊宿友，影張足本大合照。

PS:係車上等華B時,有點似女朋友等男友去買嘢咁,有啲hehe.....開車時同華B講,華B話我又真係著得kam kam地.....