半夜兩點上演世界杯4強戲碼，十二點就打烊既貝爾特竟然照做生意。原本諗住得自己睇就係房用平板電腦上網睇NOW(怕房間電視光害影响兩母子睡眠)，但偏偏有睇波腳(嘉耀 ，康楠，Jim)詢問，當然要落去睇大銀幕～
話晒要捱到近四點至散場，當然要叫啲小食黎墊肚。今屆世界杯，比利時龍門表現神勇，我都好擔心法國隊既晉級之路。上半場比利時攻勢較多，下半場51分鐘，烏迪迪接應基斯文既角球，以頭鎚頂入全場唯一既入球。
唔駛打加時，可以準時番上房訓，話晒仲要番早更。其實今晚得3枱客，一枱後生既男生係半場休息時就離開，得番我哋同另一枱較成熟既男仕。Jim就係中途訓貓仔覺，而我就全場都好肉緊～
PS: 可以見證法國隊擠身決賽，捱眼訓都係值得既！！
