法國對烏拉圭

今晚又去貝爾特睇世界杯，今次係8强賽事：法國對烏拉圭。PENTA LOUNGE 氣氛唔算滿差，梳化區滿座，加bar枱一角。起初擔心法國無乜攻勢，David安慰我“紅酒式足球”要攤下先。我答David “紅酒要air 半個鐘喎”,之後法國隊就係40分鐘攻入第一個入球～～

今晚睇波腳係崇真書友，wing fung下半場至到埗。趁中場休息，搵職員幫我哋合照，可惜Oscar 黎唔到，如果唔係就七子齊集～

下半場開波無耐(60分鐘),基斯文於禁區外勁射,雖然被門將雙掌推出,但餘勁令足球上揚,笠過門將並跨過龍門線,為法國隊奠下2:0勝局.睇番報道至知,今次係法國隊第一次贏烏拉圭.

PS:台灣女生同幸男留係房內睇賽事,我同幸男講"爸爸落樓下睇波",.幸男問"你同邊個去睇丫?",我答幸男"中學同學",講完至覺得對白及角色好似對調咗,有點會心微笑~