市中心鋸扒兼睇戲

今晚一家三口去Outback食飯，雖然食來食去都係兒童餐＋牛扒龍蝦餐＋炸蘑菇，但總叫做近近地鋸下扒。

大估唔到幸男今次唔食炸雞柳，而係揀漢堡包。

室内燈光昏暗，以前邊可以影到咁清晰丫。專業模式(手動)無得校白平衡K數，只可以儍瓜機咁揀“日光”，“陰天”，“陰影”，“螢光燈”及“鎢絲燈”。

市中心食飯，就係為咗方便去Stage睇戲。初試Zeiss 自拍鏡頭，校埋白平衡，驚喜位係屏幕自動以裸色作補光(雖然其他機早已應用)。

第一集超能特工隊上映時，幸男都未出世，今次就有家三口入戲院睇。戲情依舊惹笑，最開心係衣夫人繼續由葛文輝擔當配音～

PS: 奸角Screenslaver概念非常絕妙，現今社會到處都係螢幕，至少每人手上都有一個～