崇真書友火鍋

補鐘早走入元朗食飯，見仲有時間，係千色附近既尚品坊買臭豆腐食。手機search“元朗臭豆腐”，見新假期網頁介紹過，自又係附近，造就第一次惠顧(無諗過咁多女生會黎幫襯)。

“可以再臭啲”，外皮炸得夠爽脆，分量足够，$13都唔算過份。一開二既方法，方便食客不少。

市區回防既同窗，未能依時到埗，唯有行去英國佬，飲住生啤黎等，好在Oscar陪飲下半杯。

星期五晚上，竟然唔滿座。數碼網絡年代，不論男女老幼，都係相機食先。

再黎張自拍,教練係有一手。原本今晚係出市區食涮涮鍋,但食店既酒牌續唔到,所以至轉番區內火鍋。純男人既約會係一種釋放,暫緩家中既一切鎖務及配合,俾自己表達思想機會。

名人火鍋,味道唔錯,每人夾3舊水多啲,仲要有時令海鮮(每人一隻)。

食完火鍋,再去泛后甜品,我飽到碗楊枝金露都食唔晒。咁啱Andrew一家四口都係甜品店,結果我同Oscar有順風車坐~