代父從Arms

幾經艱苦，卒之以體感操控神靈勇士，戰勝level 4既大佬~幸男話:"恭喜你呀~可以上網同人打喇!",有點安慰幸男在意我講既說話.

第一次既網上對戰讓俾幸男試拳,幸男以眼鏡蛇小子打得有板有眼,初次出戰竟然贏咗~

網上對戰唔止單對單,仲有4人對戰,以及3人對電腦大佬.

幸男非常滿意自己房間既新傢俱,仲坐係床尾既樓梯位~床褥下既位置,足夠收納幸男既玩具,而且樓梯都係櫃桶(大中小各一).床尾既書架,可以安放幸男既番學及休閑書,但我偏偏就諗漏咗風扇位置,好在係price.com搵到酒店對面工廈電器代購店,KDK既創風機夠晒的骰~

另外,原本放係主人房既philips led燈,都改為安撫怕黑既幸男.玻璃窗都貼上反光貼兼加上雙軌窗簾,務求唔會被共用通道既感應燈騷擾到幸男就寢.

PS: 其實尋晚已一個人係屋企過夜，希望執好哂啲嘢，一家人住得舒舒服服～