裝修學徒班
今日番屋企夾下裝修師傅安裝窗簾架掛架等鑽牆位置，水電師傅就裝嵌花灑雨淋，PCCW師傅應約上門重駁失靈之電話線。中午就同冼師傅及水電師傅係村内茶記一齊食晏，下午有冷氣師傅清洗全屋冷氣。
最污糟既都係客廳果部，近廚房兼開得最多(唔記得原本有咁白淨)。
浴屏師傅比較囉嗦，嫌地方隔涉…當初無預算到雨淋與龍頭前後之相距，唯有將雨淋蓬頭調斜出水，避免沖身時撞到龍頭。
工作人員撤走後，一個人繼續簡單清潔，時間好似停留係當日遷出既時間。
幸男BB至幼稚園之相架，現掛於走廊位。計算上少少失誤，左右邊相差一吋，但望上去都似係牆身正中。
清潔總係做唔完，各項工程都需要善後工作。
八點幾到卓爾居海港同台灣女生食飯，跟咗成日學徒班，真係要食餐好既。
晚飯3寶餐A，都係368，除咗蒜茸粉絲蒸貴妃蚌，仲有半斤白灼蝦。
仲要有薑葱焗肉蟹，堅係抵食～加埋支Erdinger，足够抵消是日之辛勞。
