朝早送幸男上社區中心，再搭輕鐵去工地視察，兼試用電話線，點知新制面係方頭，尋晚老家攞既只係扁頭…
執多陣嘢，搭輕鐵番v city食晏，再去良景買電話線，但搵唔到大塊玻璃貼。
問過裝修師傅，建議入元朗。順住方向，搭輕鐵入元朗搵玻璃貼。窗簾舖，五金舖都話無…
結果要係文品至搵到…係反光度同透光度之間，我揀咗高反光度既銀灰。
口渴又肚餓，走去買臭豆腐當下午茶。凍飲芝士阿薩姆茶幾好飲，不過加埋豆腐就成$37～
番屋企放低行裝，趁無落雨行番去老家，抬番部電腦番屋企試上網。
光纖上網就無問題，只係家用電話線路唔得，唯有等台灣女生約電話公司。通訊網絡進步，反而搵條家居電話線好艱難。貪良景乜都有，但問節拍無，電器店無，五金雜貨無，要係麥當勞樓上既生活雜貨店(類似文記)至有一千零一條…
九點幾至去到新興食晚餐，搞咗成日,真係好攰.........
