幸男食燒鵝河粉時,令我諗起幼稚園放學去太興食燒鵝髀既一幕。
難幸男碗燒味河粉有得配餐茶,結果我叫咗杯凍奶茶。難得食點心既地方有奶茶飲,味道都唔錯喎～
食飽就騎愛駒出海之戀,一心買Dry aged牛扒,點知得番呢2塊…
想買塊靚啲都唔得,拎住個紙包裝就行出店門。
兜錯路去唔到西鐵站出口,見塞滿車等入商場,所以將愛駒泊上行人路邊。
電單車既好處就係靈活方便,上番車就屯門高路歸家。
番到屋企至知自己買漏咗幸男塊牛扒(人家以為我會買塊非dry aged扒俾幸男),於是撲出去市中心補購。
難得大假星期,無咁攰,卒之可以係晚飯前跑吓步。人老了,跑速無復當年(不求紀錄,但求保健)~
Dry aged扒風味不似預期,睇黎下次要搵塊再靚啲既。每年生日都係屋企食人家準備既住家飯,留番預算黎食人家生日(聽日)果餐。住家小酌,讓今晚變得慢一點,腦筋放鬆一點,去合理化無力感。
無意中係VIU TV睇到RIDER ZERO ONE,造型似原點蝗蟲,只係特技預算有點跟唔上……
飯後住家印芝士蛋糕,仲有香檳型生日咭。味道賣相其次,呢份準備係令我慚愧(營營役役,無暇諗兩母子之生日)......
PS:原來我出去荃灣時,兩母子係屋企將MUJI芝士蛋套裝實體化。人家話自制蛋糕係幸男既主意~
