趕食海鮮餐,撲番屋企睇波

明明講好咗今晚一齊睇曼城對李斯特城,點解番到屋企無人既?唯有開住SOUNDBAR兼NOW E投射上電視睇住黎等兩母子。

打電話去問兩母子下落,原來仲係市中心等的士,邊等邊用XPERIA 1睇住先~好在唯一既入球係62分鐘由曼城取得,幸男沖完涼可以安心坐梳化見證愛隊勝出。

我為咗親子英超,食埋個奄仔蟹就走人,無等到一齊大合照。

其實都好耐無黎流浮山食海鮮,仲記得當年有一次德輝都有黎,仲要帶唔夠現夾,點知台灣女生身上都係無現金,我要俾兩份半~

龍躉兩味,當然係炒魚塊啖啖肉過炸頭腩~

扇貝每人一隻,蒜蓉永遠唔會嫌多。

清蒸鮑魚。

炸蠔,令我諗起打冷既香口炸物。

咦?咁咪魚蝦蟹都食齊?其實仲有碟螺無影到。

大家都年長了,原來小玉個仔都咁大個~

舊拍檔舊班底,雖然各自在不同崗位,退休既退休,就退休既挨緊,但聚餐依舊齊腳。