家居綠化之準備

紅酒送貨甩底,打電話去CS追問至知漏單,搞到時間大失預算。三十幾度,趕頭趕命咁出荃灣,千色附近落巴士跟住GOOGLE MAP行去工廠區新豐工業大厦,總算五點收工前到著.......

網上個spec明明話有73cmX46cm,但包裝上就寫70cm.......錢已係PAYME過數,實在無心神再打去寫字樓投訴。唯有寄望四隻花槽腳,各自得一半面積踩住板車而又唔會反車。

其實食晏時經過九記有望過夾板制既板車,反而尺寸夠容納花槽四隻腳,只係嫌佢木質唔襟日曬雨淋(而家真係有啲後悔)。

PS:萬事俱備,只欠盆栽同花泥,希望可以營造更好既下午茶座氣氛。