東瀛風deficiency

之前收到嘉利既電話,話預留既J CRUISE內綿已經番貨,所以今日番完夜班訓醒就出去太子花墟。原本想買J CRUISE II俾台灣女生,但因疫情下來貨唔多,仲要無得試戴,唯有配住初代既內綿頂住先。

行過花店,見到繡球花,令我諗起去日本旅行時台灣女生為之駐足。Whatsapp問相熟花店老闆娘,日本繡球花少貨,入口貨其次可以揀荷蘭。"無得去旅行,所以想用外地既盆裁綠化下",其實想將旅行既心情帶俾人家。聽落應該易打理,俾心機上網搵下戶外園藝架先。

搭巴士番入屯門,一落車就去衝擊壽司郎,目標係七點有得入座。

事與願違,結果都係七點半至有得入座............今次有叫HIGHBALL,稍嫌淡口,人家果杯梅酒梳打就OK喎。

幸男無飲品,但有甜品補數。咁又話係小六生,詐嬌還診詐嬌,希望幸男可以獨立多一點,始終爸媽只得有限既體能與時間陪伴及開導你。